أدري حبيبي كلهم منك يغــــــــــــارون

أدري حبيبي كلهم منك يغارون
تصغر بعين الناس وبعيني تكبر

والله وغلاتك ما أحب لو يموتون
إلا عيونك وأعشقك حيل وأجهر

طفلين أنا وأنت بتفكير مجنون
ورد ورسائل حلم وردي واحمر

نرسم قلوب الحب ونغمز عيون
ونهدي الأغاني لبعضنا البعض ونسهر

لا ما علينا من أحد لو يلومون
كل واحد يعيش بحياته وهو حر

إحنا أشعلينا منهم لو يضيقون
نغني أنا وياك ونبعد عن الشر

حط كفك بكفي وخلهم يموتون
سو اللي يحلى لك ولا لا تعبر

لون حياتك عيش كل ليله بلون
اللي تكلم عنك ميت ومحتر

خلهم حبيبي عنك اللي يقولون
يكفي أشوفك في عيوني محضر

بحبك بكيفي بذوقي وبجنون
بحبك أنت لو مزاجي تعكر

سر المحبة للأبد خله مدفون
لا لا تعلمهم حبيبي عن السر

خله في قلبك يا بعد عمري مكنون
مابيه سري ينكشف وألا يظهر

ما دام أنا عاشق مغرم ومفتون
أشوفك الدنيا بحلوها وبالمر

اسمع وطنش ما أبيهم يأثرون
على محبتنا تراهم أهل شر

أنت يا غالي تسوى كل اللي في الكون
وأنا أشهد إنك صرت على القلب تقدر

يدرون أحبك وأدري أنهم يغارون
وعادي في عين الناس نصغر ونكبر