عندمــا تحرك ضميري ظهرت شجاعتي

بسمـ الله الرحمن الرحيمـ


السلام عليكم ورحمة الله وبركاته


حياكم حبايب قلبي


كيفكم ؟!
أخباركم ؟!
عساكم بخيير ؟!


اليوم والله من الفضاوه الزايده اللي فيني قررت اكتب موزوع
مدري عن ايش بس حالفه < احد قال لك
احلفي ياعمه طيري بس

حابه
اعرفكم عن نفسي اكثر < تكفين يانانسي طوسي بس


انا
شخصيه جذابه وجميله وبيضاء موظفه عمري 22 رومانسيه راعية صلاه
واخاف ربي واعرف اطبخ واكنس وانظف واخم للتعارف 0505050505 وشكرا < بتتسطر


لا لا جد بقول لكم موقف شجاع من المواقف الشجاعه اللي صارت
لي اللي اثبت فيها شهامتي < اوخص حركات
( هاذي من أولها )

مره كنا رايحين السوق
ويوم طلعنا شفت بنتين طالعين من السوق يركضون يركضون ويركبون سياره و
وراهم خمس شباب < عادتهم صح

يركضون ورى البنات
ركبو سياره ثانيه < كلهم في سياره

ويلاحقون
البنات ويلاحقون البنااات وانا وراهم ابي اعرف شسالفتهم < طبعا لحقتهم هع هع < اللقافه وماتسوي

الموهيم
حدو الشباب البنات
ونزلو يركضون ونزلو سايق البنات وكفخوووه مسكين ونزلوه من السياره
وركبوثنين في السياره اللي فيها البنات وشخطو والبنات يصارخون ومحد لمهم
(كنت اراقبهم عن كثب)

وباقي الشباب وراهم بالسياره الثانيه وراهم


وانا
ضااااق صدر ع البنات رحمتهم ودي الحقهم واساعدهم < اوخص ياجاكي شان

بس خفت قلت للسايق ارجع


بس تحرك صوت الضمير عندي

صوت الضمير:ياجبانه ياخوافه وربي انك رخمه
تشوفين هـ البنات المساكين محتاجينك وتتركينهم ليه حرام ياويلك من ربي
بتسألين عنهم يوم القيامه ليـ متى انتي كذا ليـ متى تظلين بمستوى هـ الجبن
هاا

انا : كل
تبن بس ولاتدخل نفسك فـ شي مايخصك

صوت
الضمير : كلي تبن انتي ووجهك اللي كنه اشوريا راي< دايم يشبها
فيني> \< بس اشبه لها ترى (سامج ضميري صوح ) والله لو مارحتي لهم
والله لأهج ولاعاد أرجع لك واخلي ابليس دايم يلعب عليك وماني جايك اعطيك
نصايح < لالالالاتكفى لاتخليني


ابليس: ماعليك منه هذا اصلن يبي يورطك معهم اسفهيه ولاتطعينه وجه


صوت الضمير : انا ابي
اورطها كل تبن يا.......(تم التشفير للحفاظ على
صحة الأعضاء) < صحة
الأعضاء؟؟؟؟؟!!!!!! شغب وربي حرام عليك روحي شوفي
البنات بيروحون فيها مساكين


انا:
هئ هئ هئ < تبسي


< تحرك ضميري


والله واأقول للسايق يتحرك ويلاحقهم

وانا وراهم وراهم واأطرادهم فجأة اختفت السياره اللي فيها
شباب

وتوقف السياره اللي فيها البنات
والسايق يريوس

وسيارة الشباب ورانا
يمممممممه تورطت

ويجون ثلاثه من الشباب
ثنين يصفقون السايق والثالث جاي لمي

لاتسألوني
عن موقفي وقتها

ويجي ويسحبني مع كشتي
عفوا اقصد مع شعري

وانا اصارخ
يمممممممممممممه الله ياخذك ياصوت الضميير كله منك يا...... يا.......
يا.......

ياليتني سمعت
كلالالالالالالالالالالالام ابليس الله ياخذك ياصوت الضمير



يمممممممممممممممممممممممممممممممه


ابي امي ابي ابوي ابي زوجي < ماتقلد احد



ويجي صوت الضمير والله ودي افقع
خشت ام/ن جابته


يا........ كله منك
يا.....


صوت
الضمييير : افاااااا ياشغب <
يابرده

وين قوتك وين شجاعتك وين
تدريباتك اللي تدربتيها في المركز

انا: ياضميري يا..... لازم فاصوليا يادلخ


صوت الضمير : افاااااا
وانا وين رحت اصير لك فاصوليا < ياسسسسسمججججججه


انا: بلى خفت دم مو وقته
بسرعه الدبي قطع شعري جب لي فاصوليا


والله ويجيب لي ضميري فاصوليا ويذبها علي من بعيد وانا القطها
واعفطها من الوسط وتطلع لي الفاصوليا وازرطها وتطلع عضلاتي


وامسك الدبي اللي مسكني مع كشتي اقصد شعري واصفقه والله
ولاخليت فيه عرق صاحي < ماتبي تقول لكم وش سوت
فيه عشان ماتكدركم

وأروح للباقين
واصفقهم واحد واحد والله لو تشوفوني وقتها والله ولا جاكي

وأروح للبنات واركبهم معي للسياره وأوديهم لبيتهم بسلامه
< الشهامه تقوطر فيني

< وهـ فديتني < معجبه بنفسها

بعدين أروح للشباب وتبدأ تهديداتي لهم وهم يترجوني مااسوي
فيهم شيء واتركهم بس طبعا عقب اللي سووه فيني(خربو تسرحية شعري) انا مستحيل
اتركهم والله واسلمهم للشرطه وهم عاد يتصرفون معهم

تخيلو استلمت وسااااام من الشرطه تشكرني فيه < !!!

ورجعت للبيت سالمه غانمه


وفي النهايه

1-اذا احترت بين كلام ضميرك وكلام شيطانك اسمع كلام ضميريك
لأنه أدرى بمصلحتك < ورى ماتضفين وجهك

2-لاتستغني عن الفاصوليا ابدا لأنه
بها فيتامين وكالسيوم والكثير الكثير من الفوائد

3- التسليك شيء مهم في
الحياه لولاه لم نكن موجودين فـ انصحكم اخوتي بالتسليييييييك

4-لاتدقق اخي/اختي الكريم/ـه فيما
كتب في الأعلى لأني كنت مريضه وانا كتب فلا تدقق جزاك الله خير وإلا والله
بالشبشب < خربتها


5-عندما يحذف الموضوع لااستقبل الرسال الخاصه الداله على
ذالك < بتتسطر



وشـكـرآآآآآ،،