قصيدة ولائيه انه ابن العراق (للشاعر الكبير حسن هادي الكاظمي

قصيدة ولائية للشاعر (الاستاذ حسن هادي الكاظمي)

أنه ابن العراق

انه ابن العراق بترابه وبميه
انه ابن العراق بليله وبضيه
******
انه ابن العــراق برغـم احزانـــي
واكـف جالــوتـد اكبــال عدوانـــي
افدي للوطـــن لو راد شريانـــــي
وافتحـــله القــــلاع الخيبريـــــه
******
انه ابن العراق المـا يطــخ راسـه
شاف الضيم كله والجره بناســه
بس عنده الوفه بمضمار احساسه
لوصاح الكرم ينذكر طاريـــه
******
انه ابن العـــراق وحكـي اتبختــر
ميذلــه صنـــم مهيــوب مايقهــــر
يفــرش للمنايـــــه الروح يتكنطـر
سبع وبخيت ماهمته الواويه
******
انه ابن العــراق بميــه وبملحــه
محزم بالحزن ومرصــع بجـرحـه
ارهاب وقتــل كل ناسـه منذبحـــه
بسم التفرقــه والطائفيــــــه
******
انه ابن العـراق بهـوره واشجـاره
وبسهله وجبـــاله وذيـــج انهـــاره
انه الفتـــح گلبـــه وحضن خطـاره
انه ابن الحضاره السومريـه
******
انـه ابن العــراق المنگطع نحـره
چي لنـي احب حسين والعتـــــــره
رادونــي انصاع وانسى هالفكـره
ما يدرون عابس كل وكت بيه
******
انـه ابن العــراق اللی یحب كاعـه
للعـــالم علــم مانكس شراعــــــه
نخـوة الكمــــر غيرتـه واطباعــــه
صبره منالعقيله المشت مسبيه
******
انه ابن العـــراق ومثله ماتلكـــــه
منبع خير تمشي الطيبه وي عرگه
شما جار الزمـن بيـــه الكرم يبكه
كل الخير موجود بصوانيه
******
انه ابن العــراق العـالم يهابـــــه
عمــره ماجـزع لابين صوابــــــه
واجه الظلم بانواعـه وارهابـــــه
وماهمه نواصب ال اميــــــه
******
انه ابن العراق العتــره اسيــاده
كرار الاصل بفروعـــــه واولاده
للظــالم خصم واگف بمرصـــاده
مايخضع وعنده الموت حريه
******
انـه ابن العراق العلظلم ثـــــــار
مايقبل مذله وعيشـــه بالعــــــار
فـــده بدمـه العقيده وسال انهــار
يرخص الروح لاولاد الزجيه
******
انه ابن العـراق وحسن السيـــره
بالنخــوه ملك او قمــة بالغيـــــره
باطباعه الكرم اومافرغ بيــــــره
هادي ولوثأر يزلزل الدنيه
******
انه ابن العراق والكاضميـــــــه
الكوفه موطني والغاضريــــــــه
سامــــره ونجف يبقن اليــــــــه
منهل روحه عنوان وهويه

شعر جميل بيجنن سلمت يداك ياغالي

الله يسلمك اخي

السلام عليكم
بارك الله فيك على القصيدة الجميلة
موضوع رائع وقيم
اتمنى ان تعم الفائده على الجميع
ننتظر جديدك معنا
تحياتي

يسلمووووووووووووو على المووووووووضوووووووووووووع

تسلم على المرور الجميل

» قصيدة : أصـــون كرامتـــــي
» ماخذ العراق وياي بجنطة
» مسابقة روح العراق الجديدة
» قائمة :كنائس العراق
» قوانين مطبخ روح العراق