غلاك يا شموخ عذب قلب راكان / ليه الصدف تجمعنا / بقلمي شموخي
كاتب الموضوع
رسالة
???? زائر
موضوع: غلاك يا شموخ عذب قلب راكان / ليه الصدف تجمعنا / بقلمي شموخي الإثنين يوليو 13, 2009 1:22 am
مســــــاء الخير على الجميع بنزل لكم روايه من تأليفي
بأذن الله تعجبكم بس أبغي تفاعل منكم أذا ماعليكم أمر
الــــــــــــبدايه
سكرت باب السياره بتعب ثقيل على وحده بدلعها دخلت الفله اللي ساكنه فيها هي والخدم بس بحكم شغل أبوها ووفاة أمها اللي صار عليه 11سنه وهي الحين عمرها 20 لما دخلت البيت رمت الشنطه
وركضت لجناحها فوق ماتبي ألا النوم تعباااانه مره حطت راسها على المخده بتعب وأزعجها أكره شيء
على قلبها فتحته بعدين أبتسمت ..........
.........:هلا والله في بابا أبوها:هلا بحبيبتي هلا بوحيدتي
.........:تصدق مشتاقه لك موووت
أبوها:حتى أنا بس الشغل ........:بابا عطونا أجازه شهر تخيل
شموخ:بابا من زمان مارحت هناك وناسيتها ترا صارلي 13سنه في بريطانيا
أبوها:شموخ جدتك تحن علي تقول تعالي وبنات عمك بعد
شموخ:طيب أحجز لي موافقه
أبوها:خلاص بكره
شموخ:مايمديني أودع بريطانيا
أبوها:يلا مع السلامه بكره 4الفجر
شموخ:أمداك حجزت طيب مع السلامه
سكرت وماتعبت نفسها تفكر ونامت وكالعاده تحلم أحلامها الورديه في أحلى عالم عالم الخيال قامت الساعه 7 صلت كل الصلوات اللي فاتتها وبعدها لبست جنز سكيني و تيشيرت أسود لونها المفضل
ناظرت نفسها بالمرايه وفتحت شعرها البني اللي قاصته بفوضويه لكتوفها وتناثر على عيونها العسليه الوساع والناعسه ورموشها البنيه الكثيفه وعلى شفايفها الصغيره وبشرتها البيضاء أنسانه بريئه
عمرها ماحقدت على أحد أنسانه رايقه دايم و خياليه لأبعد درجه طويله مره وجسمها حلو خلت شعرها الفوضوي معجبها وأخذت شنطتها وطلعت تحت