* على الإطلاق

موضوع: * على الإطلاق الإثنين يوليو 26, 2010 2:27 am

* على الإطلاق . . . مثلج ما لكيت إنسان
بي عطف النبوة وسحنة القرآن

* على الإطلاق . . . ولو ربي يودي ***ج
من كوكبنه والله يخلص الإنسان

* يا نغمة دللولج تنوم الليل
ومن سافرتي يمه الوطن ظل سهران

* منو بيكم وطن وبهاي هل محتار
ومن قست الحزن متساوية الأحزان

* إذن إنتي الوطن والبيه آنه هنا
مجموعة مدن مخلوقة من حرمان

* بصراويّة إنتي لحد نخاع الشط
وشطج يختلف بي صفنه من ريحان

* هسه الكورنيش . . . بلايه شطج . . .لا
مو كورنيش . . . جن أوهام . . . جن دخان

* ألف هنياله بيج الأردن الـ . . . ( ما كول ! )
وأبشركم رويتوا يا أهل عمان

* يا برزخ ضياء . . . ونور يشبك نور
ياملح الخشوع بخبزة الإيمان

* يا ( يرحمكم الله ) للعطس . . . مخنوك
شم دمع العراق المستمر للآن

* يابوسة عوافي وضحكة بيها الماي
يصفن من عذوبتها ويظل غيران

* تشميني بركبتي . . . ويدك كلبي افييش
جن الركبة ويه شفايفج عرسان

* مو زعلان . . . لا والله . . . مو زعلان
بس الفراك هو لفركتج زعلان

* ( ياءات الوصف ) خلصت وأظن معذور
بقت بس ( يائج ) البالـ( كان (( يا )) ما كان )

* ميزان الحساب بطبعه خشمه لفوك
وإلج يوم القيامة يدنك الميزان

روععه الله يخليك

كلش روووعة عااشت ايديك

مشكور جزاك الله خيرا

موضوع قمة بالرؤعة والجمال
ننتظر جديدك ~

أتمنــــى لكـ من القلب ..
إبداعـــاً يصل بكـ إلى النجـــوم .
. سطرت لنا أجمل معانى الحب
بتلك الردود الشيقة
التي تأخذنا إلى أعماق البحار
دون خوف بل بلذة غريبة
ورائعة دمت لنا ودام قلمك