الحمار حمارقال سماحة الوالد (
الحمار حمار ولو حطو فوق ظهره كرتون طماط )
ياكثر ترديد الشايب لهذه العبارة خاصة اذا شافني يقولها من باب
الذب ولكن انا كعادتي اتركه في حاله ولا ألقي له اي بال في يوم من الايام
وفي احد لحظات التفكير طرى على بالي سؤال ليش ابوي دايم يقول لي (
الحمار حمار ولو حطوا فوق ظهره كرتون طماط ) هل هو
يقولها من باب الاستهبال أو هالعبارة مرتبطه بموقف معين
ولهذا السبب قررت ارجع الى الوراء الى ايامي الأولى يوم ولادتي
في عام 1410 ابي اعرف كيف كانت مراسم الولاده هل صار لي موقف اثناء
الولاده خلى الوالد يقول هالحكمة هل فيه احد شافني وقال اخيرا وصل الحمار
للحياة الدنيا بالسلامه
هل وهل والعديد من الهلاهل
لذلك ذهبت الى الوالده وانا احمل دفتر كشكول مربعات صغيرة
وجلست بالقرب منها بعد اخذ مسافة قانونية نظرا لأن اسألتي راح يكون فيها
شوية جرائة ويمكن الوالدة تعصب وترميني بالفناجيل في رواية اخرى (
البيالات) بعد اخذ المسافة القانونية قررت أبدا حلقة
اليوم في اكتشاف الماضي المجهول لشخصي البخيل ، سألت الوالدة وقلت لها
تخيلي نفسك وانتي في اصعب اللحظات بالتحديد قبل ما اجي للدنيا ب 12 دقيقة
وش كان شعورك
انحرجت الوالده
ماهي متعودة على هالنوع من الاسئلة
قالت لي شعور لايوصف باستقبال اول ولد بالدنيا قلت لها مقاطعا
طيب ليش ماقلتي بنت وش دراك اللي بيجيك ولد
قالت عندي احساس انه بيجيني ولد ==> جاك النصب
يقولون احساس الامومه مايخيب
طيب ياماما جاك الدلع الحين
ممكن تشرحين لي لحظات الولادة بالتفصيل ابتداء من الطلق وحتى
خروجي للدنيا
في تلك اللحظه ايقنت ان اخذ مسافة قانونية كان خيار صائب ونجاح
تكتيكي يحسب لصالحي ، هربت من البيت الى باب الشارع وكلي سرور بخطف شعور
ايجابي يعني الوالده كانت فرحانه يوم ولادتي الحمدلله ياربي
وهذا دليل على رضى الوالد يعني حكمة الحمار ليس لها
علاقة بيوم ولادتي
قعدت برى البيت يمكن 3 ساعات الى 4 ساعات على بالي امي بتحن
علي وبتدق على اقسام الشرط والمستشفيات والشقق المفروشه وبقالات الجملة
، لكن للأسف الوالدة ماطقت لي خبر ولو غبت عن البيت سنتين
رجعت للبيت وسيده على درب المطبخ علشان اخذ قارورة المويه اللي
تركتها بالفريزر من عشر ساعات وصدفة شفت ست البيالات ست الكل الوالده
بالمطبخ تقلب الصحون والمواعين تدور على حاجه ضايعة منها
نادتني وقالت تعال ياحمدان اطلع فوق الدولاب دور لي على علبة
طماط علشان اطبخ لأبوك
طمطميه بالسبانخ طبعا لاشعوريا لبيت الندا وطلعت فوق الدولاب ولقيت علبة
طماط لاجيجيتا مغبره عندنا ازمة طماط الله المستعان
عطيته للوالده وقالت لي (
الحمار حمار ولو
حطو فوق ظهره كرتون طماط ) افا ياماما يالقلب الحنون والبيت الكبير
يالكنز الدفين تذبين علي وانا اللي من طبعي الطناشي
تركتها ورحت اتكي عند التلفزيون اتفرج ورجعت سالفة الهلاهل
تدور براسي مرة ثانيه
هل صار لي موقف يوم الختان خلت الوالد يقول عني حمار؟؟؟؟؟؟؟!!!
وكيف تم الختان؟؟؟!! هل انختنت بالبيت و بسكين مسنونة والا
بالمستوصف؟؟؟؟!!!! ومن كان حاضر صبيحة الختنه؟؟؟!!!
وعلشان القى اجوبة للهلاهل قررت اروح لخالي مرزوقي
طقيت الباب خرج خالي وقال يامرحبا ياولدي حمدان قلط يالله انك
تححيه يامرحبابه ونادى على ولده اسامه يجيب حاجات المراجل تمر ولبن وقهوة و
ربابه بعد ماتمرجلنا وخلصنا قمت وطلعت دفتر المربعات من جيبي
البدو يسمونها (
مخباة) وقلت ياخالي
انا عندي اسأله تخص حياتي ابغاك تجاوب عنها بصراحه قال خالي انت ماتسأل انت
تجاوب
خبص ام المراجل
قلت له ياخالي انت الكبير وانت الجواب وانا السؤال هكذا الحياة
ياخالي انا ابغى اسألك بليلة الختنه حقتي وش صار فيها ؟؟؟؟!!
ضحك خالي في ذهول
واعطاني جواب عفوي وقال مثل اي ولد ينختن راح ابوك وامك
لمستوصف النموذجي العام ظهر الاثنين وقصوا لك اللي خابر وانتهت المشكله
سويت نفسي ملكع وقلت له ياخالي ابوي ذكر اسم حيوانات يوم ختنتي
؟؟؟ قال ايه اذكر انه قال طفي كبوسك يابن الكلب عساك الوجع لواحد كان يكبس
وراه بالعالي وحنا رايحين نشتري الذبايح
قاطعته وانا داخل جو حماسي و قلت له ياخالي بعد ختنتي وين
القطعه اللي قطعتوها من جسمي هذه فلذة كبدي قطعه مني انا ابغى اشوفها
؟!! عصب خالي وقال
انت ماتربيت ياحمار وطول
عمرك حتظل حمار ولو حطينا فوق ظهرك كراتين الطماط قام خالي وبيده
قطع بواجي قاعد يحذفني فيها ومع كل حذفه قاعد يقول قصيدة ناصر الفراعنه
اللي كلها حرف الشين قلتلكم خالي حق مراجل وقصايد
وانا اطلقت ساقي للريح لأن خالي اذا عصب ينقلب اسد فاغر جعله
بأفعى تقرصه
رجعت للبيت و نطيت فوق السور للحوش لأني تركت المفتاح بالبيت
والجرس حقنا خربان وانا داخل مع باب الحوش شفت ابوي قاعد بكرسي متحرك
تبادلت انا وهو النظرات الحارقه قال ابوي بلهجه حساويه (
ياوليدي
انا حاسس يومي جرب ) قلت له ايش جرب هذا عساك الجرب قام ابوي من
الكرسي وطق فيه عرق وقال (ياحمار... ) ماقدر يكمل وحط يده على قلبه وطاح
وقاعد يصارخ ودوني
للدشتور قلب حساوي هالشايب
جات امي من المطبخ وبيدها طمطميه بالسبانخ ويوم شافت ابوي طايح
رمتها على الارض وراحت عند ابوي وقاعده تصارخ قم قم ماابغى اترمل واصير
مسخره وصرخت علي وقالت روح انقلع جعلها تنفجر بوجهك قام ابوي نشيط معافى
مافيه الا العافية يعني كل هالحركات سيناريو
وقال ياحمار لاتتكلم على وقال
طول عمرك حتظل
حمار ولو حطينا فوق ظهرك كرتون طماط قمت وطبيت في حضن ابوي وتلاقطنا وتفارشنا بعدها مسكت
ابويه على الجدار ويدي على رقبته ناوي اخنقه
وقلت له هي كلمه واحده وابغى جواب فوري قال ابويه فكني اخذ نفس
واعطيك سالفة الحمار
بعد ما اخذ ابوي قسط من الراجحي قصدي الراحه
قال ياولدي لكل ذبه في هالدنيا سبب وذبتك هذه لها سبب لكن
محتفظ فيه من زمان وما ابغاك تدري عنه
قلت له بسرعة ترى النفس تعبانه يمكن اتهور واخذ حكم قصاص بسبتك
قال ابوي هدي اعصابك روق ياولدي و روح لغرفتي واطلع فوق الدرج
راح تلاقي شنطه زرقا مكتوب عليها رحله سعيده افتحها راح تلقى بداخلها ملف
اخضر افتحه راح تلقى بداخه ورقه صفرا اقراها وراح تعرف سر الحمار رحت
للغرفة داعس وناظرت بالورقه الصفرا وقلت لاشعوريا (
الحمار
حمار ولو حطو فوق ظهره كراتين طماط)
الورقة الصفراء الملف
اللي فيه انواع الدويحات والطماطات اللي خلت الوالد ماسكها علي كل هالعمر
اخيرا اذا عرف السبب بطل العجب الفوائد من هذه القصة
لكل اب وام يذبون على عيالهم لاتحسبون عيالكم دلوخ مايدرون ترى يدرون
ويحسون ويتألمون بس هم مسوين الدعوة
طنش تعش تنتعش يعني
محترمينكم بالعربي
واذا زودتوها يمكن تكونوا ضحية وتذكر دائما اذا مسكت شي على
ولدك وقاعد تذب عليه من فترة الى فترة راح ينفجر ويتحول الى ثور ينطح وتكون
انت الضحية
لازم تلمه في حضنك وتفهمه ليش هو ثور علشان يقتنع